Wasi shah

كاش    میں    تیرے     ہاتھ    كا    كنگن   ہوتا

تو بڑے پیار سے بڑے چاؤ سے بڑے مان سے

اپنی   نازك  سی   كلائی   میں  چڑھاتی  مجھ  كو

اور  بے  تابی  سے  فرقت كے خزاں لمحوں میں

تو  كسی  سوچ  میں   ڈوبی  جو گھماتی مجھ  كو

میں  تیرے  ہاتھ  كی  خوشبو  سے مہك سا جاتا

جب  كبھی  موڈ  میں   آ كر  مجھے  چوما  كرتی

تیرے  ہونٹوں  كی  میں  حدت  سے دہك سا جاتا

رات  كو  جب  بھی  تو  نیندوں كے سفر پر جاتی

مر مریں   ہاتھ    كا     اك    تكیہ    بنایا    كرتی

میں  تیرے   كان  سے  لگ  كر  كئی  باتیں كرتا

تیری   زلفوں   كو   تیرے   گال  كو  چوما  كرتا

جب  بھی  تو   بند    قبا   كھولنے   لگتی  جاناں

اپنی  آنكھوں  كو  تیرے  حسن  سے  خیرہ  كرتا

مجھ كو بے تاب سا  ركھتا  تیری  چاہت  كا  نشہ

میں  تیرے  جسم    كے   آنگن  میں  كھٹكتا  رہتا

كچھ   نہیں   تو   یہی   بے   نام  سا  بندھن  ہوتا

كاش  میں   تیرے   حسیں   ہاتھ   كا   كنگن  ہوتا

شاعر وصی شاہ
KANGN
BY WASY SHAH